ထိုးထွင်းပညာကို ရိုးရှင်းစွာ လေ့လာခြင်း

နည်းပညာကြောင့် ကမ္ဘာပြားပြီလော... ဒီနေ့ခေတ် ကမ္ဘာကြီးဟာ ပြင်ညီကစားကွင်း (Level-Playing-Field) တစ်ခု အသွင် ဆောင်လာချိန်မှာ လူ သား အားလုံးဟာ တန်းတူညီတူ ယှဉ်ပြိုင်လာနိုင်ကြပြီး နည်းပညာ အစွမ်း သာသူ ဟာ မြင်းကို ချိုတပ်ပေးလိုက်သလို ကမ္ဘာကို အုပ်စိုးသွားနိုင် မယ်လို့ ပူလစ်ဇာဆုတွေ တစ်သီကြီး ရနေတဲ့ Thomas Friedman ရဲ့“ကမ္ဘာပြားပြီ” (The World is Flat) စာအုပ်မှာ ဆောင်းပါး ရိပ်ခြေ ပြော သွားပါတယ်။

ဟက်ကာအကြောင်း သိကောင်းစရာ

နည်းပညာအစွမ်းဟာ ကမ္ဘာကြီးကို ဘယ်လို လွှမ်းမိုးခဲ့တယ်ဆိုတဲ့အကြောင်း ပြောရင် ချန်ထားလို့မရတဲ့ သူတွေ ကတော့ ဟက်ကာတွေ ပဲ ဖြစ်ပါ တယ်။ ဟက်ကာလို့ ဆိုလိုက်ရင် တချို့က အသံကြားရုံနဲ့တင် တုန်လှုပ် သွားတတ်ကြပါတယ်။ တချို့ကတော့ သူတို့ အကြောင်းပြောရင် လက်သီးကို ကျစ်ကျစ်ပါအောင် ဆုပ်ထား တတ်ကြပါတယ်။ တချို့ကတော့ သူတို့ကို အားကျနေကြပါတယ်။ တချို့ကလည်း သူတို့ကို မျက်ထောင့်နီတွေနဲ့ ကြည့်နေတတ်ကြပြန်ပါတယ်။  ဒီတော့ ဟက်ကာဆိုတာ ဘယ်လိုလူမျိုးတွေဆိုတာနဲ့ သူတို့ဟာ သမိုင်းကြောင်း ကို ဘယ်လို ပြောင်းလဲခဲ့တယ် ဆိုတာ သိရအောင် “ဟက်ကင်း” အကြောင်းကို စာဖတ်ပရိသတ်တွေအတွက် သိကောင်း စရာ အနေနဲ့  တင်ဆက်ပေး လိုက်ပါတယ်။

ခေတ်ရေစီးကြောင်းနဲ့ ဟက်ကာတို့ရဲ့ သမိုင်းကြောင်း

၁၉၆၀ ပြည့်လွန်နှစ်ပိုင်းတွေမှာ ကွန်ပျူတာနည်းပညာဟာ တစ်ခေတ် ထလာပါတယ်။ အဲဒီလို ခေတ်ထလာ တာနဲ့အမျှ ကွန်ပျူတာ ကုမ္ပဏီကြီးတွေ က  နည်းပညာကို လက်ဝါးကြီးအုပ်ဖို့ ကြိုးစားလာကြပါတယ်။ သူတို့ရဲ့ ပထမဆုံး ခြေလှမ်းကတော့ အချက်အလက်တွေကို စနစ်တကျ စုစည်းပြီး အွန်လိုင်းပေါ်ကနေ ဈေးကြီးကြီးနဲ့ ရောင်းစားကြတာပါပဲ။ ဒီကိစ္စဟာ ရောင်းသူဝယ်သူ အသံတူ နေချိန်မှာ ပြဿနာတွေ ကြီးထွားမလာပေ မယ့် ဈေးနှုန်းတွေက အဆမတန် မြင့်တက်သွားချိန်မှာတော့ ဒီကိစ္စအပေါ်မှာ မကျေနပ်တဲ့သူတွေ များသထက် များလာပါတယ်။ အဲဒီလူတွေထဲမှာ မှ အထင်ရှားဆုံးကတော့.. ‘Geek’ လို့ခေါ်တဲ့ လမ်းပေါ်က လူငယ် ပညာရှင် တွေပါပဲ။

ကွန်ပျူတာ အချက်အလက်တွေ ဟက်ကင်းလုပ်ခံရခြင်း

နည်းပညာဟာ လူနည်းစုတစ်စု အတွက်သာ ဖြစ်နေတာကို မကျေနပ်ကြတဲ့ ‘Geek’ ဆိုတဲ့ လူငယ်ပညာ တတ်တွေက နည်းပညာဟာ လူတိုင်း အတွက် ဖြစ်ရမယ်ဆိုတဲ့ ရည်ရွယ်ချက်နဲ့ ကွန်ပျူတာ ကုမ္ပဏီကြီးတွေ ဆီက နည်းပညာ အချက်အလက်တွေကို စတင် ခိုးယူကြပါတော့တယ်။ သူတို့ ရရှိထားတဲ့ အချက်အလက်တွေ ကိုလည်း အွန်လိုင်းပေါ်ကနေ အခမဲ့ ဝေမျှခဲ့ကြလို့ ဟက်ကာတွေရဲ့ အချက်အလက်တွေဟာ သာမန် ကုမ္ပဏီ တွေ ထက် ပိုမိုပြည့်စုံပြီး ကောင်းမွန်နေတာကို တွေ့ရမှာပါ။

ဟက်ကာတွေ တရားစွဲခံရခြင်း

အဲဒီအချက်အလက်တွေက အချိန်နဲ့အမျှ ပေါက်ကြားလာတော့ ကုမ္ပဏီကြီးတွေက ဒီလူငယ်လေးတွေကို တရားစွဲကြပါတော့တယ်။ အစပိုင်းမှာတော့ မှုခင်းတပ်ဖွဲ့ဝင်တွေက ဒီလူငယ်လေးတွေကို တစ်ဦးစနှစ်ဦးစ လိုက် လံ ဖမ်းဆီးကြပါသေးတယ်။ တစ်ဦးစနှစ်ဦးစ ဖမ်းဆီးတာက မပြောပလောက်ဘူး ဆိုပေမယ့် လက်တွေ့မှာ တော့ သူတို့အားလုံးကို တစ်ချိန်တည်း တစ်ပြိုင်တည်းမှာ ထိန်းချုပ်နိုင်ဖို့ဆိုတာ လွယ်တဲ့ကိစ္စမှ မဟုတ်တာ။ ဟက်ကာ ဆိုတာကလည်း အလွယ်တကူ ဖမ်းလို့ရအောင် ကိုယ့်ကိုယ်ကိုယ် ဟက်ကာပါလို့ ဘယ်သူကမှ စာတမ်းရေး ထိုးထားတာမှ မဟုတ်တာ။ ဒီလိုနဲ့ တစ်ဗိုလ်ကျ၊ တစ်ဗိုလ်တက် စနစ်နဲ့ သူတို့တွေ ဆက်လက်ချီ တက်ခဲ့ကြတာ နောက်ဆုံးမှာ နေရာအနှံ့ ပျံ့နှံ့ကုန်ကြလို့ ဖမ်းမနိုင်၊ ဆီးမရ ဖြစ်သွားရ ပါတော့တယ်။

ကုမ္ပဏီတွေက ဟက်ကာတွေနဲ့ ဆွေးနွေးလာကြခြင်း

နောက်ဆုံး မှာတော့ တားလို့မရတော့မယ့် အတူတူ ဟက်ကာတွေနဲ့ လက်တွဲဖို့အတွက် ကုမ္ပဏီတွေက ဆုံးဖြတ်ချက် ချလိုက်ပါတော့တယ်။ ကုမ္ပ ဏီတွေ ဘက်ကလည်း  နည်းပညာဆိုင်ရာ တချို့အလက်အလက်တွေ ကို အွန်လိုင်းပေါ်က အခမဲ့ဝေမျှမယ်။ ဟက်ကာတွေဘက်ကလည်း ဆာ ဗာတွေ ကို သုံးစားလို့ မရတော့တဲ့အထိ တိုက်ခိုက်နေတာတွေ ရပ်တန်းက ရပ်ကြဖို့ သဘောတူညီချက်တွေ ရသွားပါတော့တယ်။

Trial Version တွေ ခေတ်စားလာခြင်း

တကယ်တော့ လက်ရှိမှာ ကျွန်တော်တို့ သုံးနေရတဲ့ ဆော့ဖ်ဝဲတချို့ဟာ ကုမ္ပဏီကြီးတွေက အစမ်းပေးသုံးထား တဲ့ ဆော့ဖ်ဝဲတချို့သာ ဖြစ်ပါတယ်။ (ဒါကလည်း ဟက်ကာတွေရဲ့ ကျေးဇူးနဲ့ မကင်းဘူးလို့ ဆိုရမှာ ဖြစ်ပါတယ်) ဒီလိုဆိုရင် ဟက်ကာတွေရဲ့ လုပ်ရပ်မှန်သမျှဟာ အကောင်းချည်းပဲလို့ ဆိုလိုတာတော့ မဟုတ်ပါဘူး။ ဟက်ကာ တွေကြောင့် ထိခိုက်နစ်နာရတဲ့ သူတွေကလည်း ဒုနဲ့ဒေးပါပဲ။

မူပိုင်ခွင့်တွေ တစ်စခန်းထလာခြင်း

အွန်လိုင်းပေါ်က တန်ဖိုးကြီးတဲ့ အချက်အလက်တွေကို အလကားနီးပါး ရနေကြသူ တချို့ကတော့ ဒါတွေကို တန်ဖိုးထားရကောင်းမှန်း မသိဘဲ အလကားရလို့ အလကားနီးပါးသာ တန်ဖိုးထားလာကြပါတော့တယ်။ ဆော့ဖ် ဝဲလ်တွေကို ကြိုးစားပမ်းစားနဲ့ ရေးသားခဲ့ကြတဲ့သူတွေရဲ့ ကြိုးစားအားထုတ်မှုကိုမှ မထောက်ထားဘဲ ပညာ ကြေးရယ်လို့ မဆိုထားနဲ့၊ စေတနာကြေး၊ သဒ္ဒါကြေးတောင်မှ မပေးချင်ကြတော့တဲ့ သူတွေလည်း ရှိနေပြန် ပါတယ်။ ဒါကြောင့်မို့လုိ့လည်း နောက်ဆုံးမှာ ဉာဏဆိုင်ရာ မူပိုင်ခွင့်တွေကို အလွဲသုံးစား လုပ်နေသူတွေ ရန်က နေ ကာကွယ်ပေးမယ့် အဖွဲ့အစည်းတွေ ပေါ်ထွက်လာရပြန်ပါတယ်။လူမှုဘဝ ကွာဟမှုတွေ ကျဉ်းမြောင်းလာ ခြင်း နည်းပညာတန်ခိုးရဲ့ အကျိုးကျေးဇူးကြောင့် ဒီနေ့ခေတ်မှာ ဖွံ့ဖြိုးဆဲ နိုင်ငံတွေဟာလည်း ဖွံ့ဖြိုးပြီး နိုင်ငံ တွေနဲ့ ရင်ဘောင်တန်းလာနိုင်ဖို့ ကြိုးစားနေတာကို တွေ့ရပါတယ်။ ဒီတော့ အစောပိုင်းမှာ တင်ပြခဲ့တဲ့ နည်း ပညာကြောင့် ကမ္ဘာကြီး တကယ်ပဲ ပြားသွားပြီလားဆိုတဲ့ အယူအဆကို ခြေရာ ပြန်လည်ကောက်ကြည့်ဖို့ လိုအပ် လာပြန်ပါပြီ။

ကမ္ဘာကြီး တကယ်ပြားသွားပြီလား

Thomas Friedman နောက်ဆုံးထွက်လာတဲ့ စာအုပ်ဖြစ်တဲ့ Hot, Flat, and Crowded ဆိုတဲ့ စာအုပ်မှာတော့ ပူထူနေတဲ့ ကမ္ဘာကြီးမှာ ဝန်ထုပ်ဝန်ပိုးတွေ ကိုယ်စီပိနေကြပြီး ကျပ်သိပ်နေတဲ့ ကမ္ဘာကြီးအကြောင်း ပြောထား ပြန်ပါတယ်။ သူရဲ့ နောက်ဆုံးပေါ် အယူအဆမှာတော့ နည်း ပညာကြောင့် ကမ္ဘာကြီး လုံးစေ့ပတ်စေ့ မပြား သေးဘူးဆိုတာကို ဝန်ခံသွားပါတယ်။ သူ့အဆိုအရ ကမ္ဘာသစ်/အမေရိက (New World/ America) အမေရိက လို တင်းပြည့်ကျပ်ပြည့် ဒီမိုကရေစီ ရရှိပြီးသား နေရာမျိုးမှာပဲ နည်းပညာသာတဲ့သူဟာ ကမ္ဘာကို ဦးဆောင်နိုင် မယ်လို့ ဆိုပါ တယ်။ အနောက်ကမ္ဘာလို တကယ်ပြားတဲ့ ကမ္ဘာ့ပတ်ဝန်းကျင် (Flat World) မှာ နေရသူတွေက သန်း ၁၀၀၀ မျှသာ ရှိတယ်လို့ ဆိုပါတယ်။ လူအ များစုဖြစ်တဲ့ သန်း ၅၀၀၀ လောက်ကတော့ မပြားတပြား ခပ်ပါး ပါးဖြစ်နေတဲ့ ကမ္ဘာ (Semi-flat World) မှာ နေတယ်လို့ ဆိုပါတယ်။ နောက်ဆုံး သန်း ၁၀၀၀ ကတော့ လုံးဝ မပြားတဲ့ ကမ္ဘာ (Unflat World) မှာ နေတယ်လုိ့ ဆိုပါတယ်။ မပြားသေးတဲ့ ကမ္ဘာမှာ နေထိုင်နေတဲ့ သူတွေဟာ ဘယ်လို လူတွေလဲ ဆိုတော့ အာဏာရှင်စနစ်အောက်မှာ ပြားပြားဝပ်နေပြီး ပညာရဲရင့်ပေမယ့် ပွဲလယ်မတင့် နိုင်တဲ့ သူတွေ ဖြစ်နေပါတယ်။

ကမ္ဘာပြားပေါ်က ဟက်ကာတွေ

ဆက်လက်ပြီးတော့ ဟက်ကာတွေက ကမ္ဘာကြီးကို နည်းပညာနဲ့ ဘယ်လို အပြားခတ်လိုက်လဲဆိုတာကို ပုံပေါ် လာအောင် ဆက်လက် မိတ် ဆက်ပေး ပါရစေ။ တစ်ဆက်တည်းမှာပဲ ဟက်ကာတွေနဲ့အပြိုင် ထင်ယောင်ထင်မှား ဖြစ်စေမယ့် Cracker တွေနဲ့ Script Kiddie တွေရဲ့ အကြောင်း ကိုလည်း ကွဲကွဲပြားပြား ခွဲခြားနားလည်ထားဖို့ လိုအပ်လာပြန်ပါတယ်။ဒါ့အပြင် ဟက်ကာအမျိုးအစားကွဲတွေဖြစ်တဲ့ ဦးထုပ်ဖြူဟက်ကာ (White Hat Hacker)၊ ဦးထုပ်နက်ဟက်ကာ (Black Hat Hacker) ဦးထုပ်မီးခိုးရောင်ဟက်ကာ (Gray Hat Hacker)၊ ဦးထုပ်ပြာဟက် ကာ (Blue Hat Hacker) ဟက်ကာတွေကအစ အဆင့်မြင့်ဟက်ကာတွေဖြစ်တဲ့ Elite Huacker တွေအဆုံး ဟက်ကာအားလုံး အကြောင်းကိုသာမက၊ ဟက်ကင် သင်ထောက်ကူပစ္စည်းတွေ (Hacking Tools) တွေ၊ ဟက်ကင်း အတတ်ပညာနဲ့ အနုပညာ (Art of Hacking and Science of Hacking) အကြောင်းတွေကိုပါ အခါသင့်လို့ အခွင့်သာတဲ့အခါ တင်ဆက်ပေးချင်ပါသေးတယ်။